O blog das mulleres literatas

“Le temps s´en va!”

TRIADAS NO MAR E NA NOITE Diciembre 13, 2007

Archivado en: Poesía — mulleresliteratas @ 10:17 am
                                                 

A J.M. de la Fuente Bermúdez
Meu navío leva ao vento
no mastro eterno da noite
o treu do meu pensamento.
           Leda vai a nao
         na proa unha frol
         a rosa albariña
         do meu corazón.
Amiguiña, crara estrela,
dáme a aguillada de un bico
para apurrar a gamela
           Leda vai a nao
         na proa unha frol
         a rosa albariña
         do meu corazón
Por navegar ao desvío
varei a miña chalana
no teu corazón-baijío
           Leda vai a nao
         na proa unha frol
         a rosa albariña
         do meu corazón
Os agros van de ruada.
Vinde ruar pol-as ondas
levarés a herba mollada.
           Leda vai a nao
         na proa unha frol
         a rosa albariña
         do meu corazón.
O faro de Corrubedo
co seu ollo largasío,
ai amor, púxome medo.
           Leda vai a nao
         na proa unha frol
         a rosa albariña
         do meu corazón.
Deitóuse o mar, foise o vento,
no mastro da noite albean
os liños do pensamento.
           Leda vai a nao
         na proa unha frol
        é granada a rosa 
         do meu corazón.
                                           F. BOUZA-BREY (Nao senlleira)
 

2 Responses to “TRIADAS NO MAR E NA NOITE”

  1. mulleresliteratas Says:
    Diciembre 13, 2007 at 10:21 am

    Parece mentira que este poema teña algún sentido.
    Nós xa o sabemos pero a ver quen o acerta…

    Lucía

    Responder
  2. mulleresliteratas Says:
    Diciembre 14, 2007 at 9:10 am

    “Triadas no mar e na noite”, un poema que non se logra descifrar con facilidade, e que, tras descubrir o que agocha e a elegancia coa que retracta a temática que nel se plasma sae á luz a gran capacidade literaria deste autor, Fermín Bouza Brey.

    Uxía Cagiao Teijo

    Responder

Leave a Reply